Ristilrannsókn

 

 

       simi

520 0170

Ristilrannsókn

 

Undirbúningur

Rannsóknin krefst undirbúnings og er hægt að nálgast upplýsingar hér á pdf formi.  Algengt er að fólk komi í rannsóknina í beinu framhaldi af ristilspeglun þegar ekki hefur tekist að spegla allann ristilinn.  Í þeim tilfellum þarf ekki séstakann undirbúning nema að vera áfram fastandi.

 

Tímalengd og framkvæmd

Rannsóknin sjálf tekur oftast um 30 mínútur. Ristillinn er fylltur af lofti og eru myndir svo teknar í liggjandi stöðu, á baki og kvið.  Undirbúningurinn (fasta og ristilúthreinsun) fyrir rannsóknina er óhjákvæmilega krefjandi og eins getur rannsóknin sjálf reynst í sumum tilfellum erfið.

 

Frábendingar

Ef stutt er frá kviðarholsaðgerð er rannsóknin ekki gerð. Annars gilda almennar frábendingar varðandi tölvusneiðmynd.

 

Þungun - brjóstagjöf

Ef grunur er um þungun eru þessar rannsóknir almennt ekki gerðar.

 

Tilgangur

Rannsóknin sýnir ristilinn og hvort að ristilpoka, sepa eða aðrar fyrirferðir er að finna. Auk þessa fæst yfirlit yfir kviðarholslíffærin.

Einkenni ss. blóð í hægðum, kviðarónot, hægðartruflanir, sýkingar og ýmis almenn einkenni geta gefið ástæðu til þessarrar rannsóknar.  

 

Tæknin

Rannsóknin er gerð í sneiðmyndatæki, sjá tölvusneiðmynd.

 

Geislun

Í umhverfi okkar er alltaf til staðar geislun, bæði frá jörðinni og geimnum/sólinni og er kölluð náttúrleg geislun (1,1mSv/ári)1. Geislavarnir ríkisins hafa umsjón og eftirlit með geislun þmt. tækjum í læknisfræðilegri myndgreiningu. 
Með stöðugri tækniþróun krefjast rannsóknir minni geislun og hefur því geislun við hverja myndgreiningarrannsókn minnkað margfalt frá því sem áður var.

 

Skuggaefni

Skuggaefni er stundum gefið til þess að fá betri aðgreiningu á innri líffærum auk þess sem skuggaefnis "upphleðsla" í vefjum getur gefið upplýsingar um eðli þeirra. 
Sjá nánar um skuggaefni.

 

Niðurstöður

Niðurstöður eru sendar tilvísandi lækni. Ef senda á afrit af niðurstöðum til annarra lækna eða meðferðaraðila er það sjálfsagt. Reynt er eftir fremsta megni að senda svör sem fyrst og eru þau yfirleitt send innan 3 tíma. Í einstaka tilfellum getur það þó dregist. Það veltur meðal annars á umfangi rannsóknarinnar og hvort þarf að afla upplýsinga um fyrri rannsóknir sem gerðar hafa verið.

 

Rannsóknir

Undirbúningur

Staðsetning

Suðurlandsbraut 34

108 Reykjavík

Sími: 520-0170

Fax: 520-0171

This e-mail address is being protected from spambots. You need JavaScript enabled to view it.

 

Opnunartími

Mánudaga - Fimmtudaga

08:00 - 17:00

Föstudaga

08:00 - 16:00

Sumaropnunartími og hátíðisdagar